27 қаңтарда Халықаралық білім беру корпорациясы «Жетісу облысының білім басқармасы» мемлекеттік мекемесінің «Жетісу дарыны» облыстық дарынды балалар мен талантты жастарды анықтау және қолдау оқу-әдістемелік орталығымен ынтымақтастық туралы Меморандумға қол қойды.
Меморандумға ХБК ректоры Имандосова Маргарита Булатқызы және «Жетісу дарыны» директоры - Жауқарова Жанна Бегімбекқызы қол қойды.
Меморандум кадрларды бірлесіп даярлауды, тренингтер, біліктілікті арттыру курстары мен семинарлар өткізуді, сондай-ақ әлеуетті ізденушілерді оқытудың үздіксіздігін қамтамасыз ететін өндірістің толық циклін қамтитын бірлескен білім беру бағдарламаларын әзірлеуді көздейді.
Кездесу қорытындысы бойынша тараптар бірлескен жобаларды құру және екіжақты қатынастарды одан әрі арттыру мүмкіндігіне сенімділіктерін білдірді.