Новости МОК

Республикалық байқау жеңімпазы - Телеуев Ғалым Байғазыұлы

Жаңа аптаны жақсы жаңалықтардан бастаймыз!

Халықаралық білім беру корпорациясы KAU жанындағы факультет деканы, PhD докторы Ғалым Байғазыұлы Телеуевты « ЖОО - ның үздік оқытушысы-2021 » Республикалық байқауындағы жеңісімен құттықтайды!

« ЖОО үздік оқытушысы-2021 » байқауы жыл сайын оқытушы мамандығының беделін арттыру және оларды одан әрі кәсіби өсуге ынталандыру мақсатында өткізіледі.

Осы жылы 45 қазақстандық ЖОО-ның 150 оқытушысы жеңімпаз атанды. Байқауға еліміздің 76 жоғары оқу орнынан 718 үміткер қатысты.

« Конкурста электронды оқу ресурстарын, оқу материалдарын әзірлеу және жариялау, отандық және халықаралық журналдардағы ғылыми жарияланымдар, өнертабысқа патенттердің болуы және т.б. сияқты көрсеткіштер бағаланды, сондай – ақ үміткердің оқыту сапасы, оның бакалавриатта, магистратурада және докторантурада кадрлар даярлау жөніндегі еңбегі бағаланды »,-деп атап өтті Білім және ғылым вице-министрі Қуаныш Ерғалиев.

Телеуев ғалым Байғазыұлына жаңа белестер, мансаптық жетістіктер мен барлық бастамаларына сәттілік тілейміз!