Бакалавриат

Бакалавриат - кемінде 240 академиялық кредитті міндетті түрде меңгере отырып, тиісті білім беру бағдарламасы бойынша «бакалавр» дәрежесін бере отырып, кадрлар даярлауға бағытталған жоғары білім деңгейі.
Жоғары білім берудің кәсіптік оқу бағдарламаларының мазмұны жалпы білім беретін пәндер циклін, базалық пәндер циклін, бейіндеуші пәндер циклін зерделеуді, сондай-ақ тиісті мамандықтар бойынша кәсіптік практикадан өтуді көздейді. Пәндердің әрбір циклі міндетті компонент және таңдау компоненті пәндерінен тұрады.
Оқыту бакалавриат үшін ұзақтығы 4 жыл және «Сәулет», «Сән, дизайн» білім беру бағдарламаларының топтары үшін 5 жылдық негізгі білім беру бағдарламасы бойынша да, техникалық, кәсіптік және орта білімнен кейінгі білім беру немесе жоғары оқу орындарының түлектері үшін қысқартылған оқу мерзімі 2 немесе 3 жыл жүргізіледі.
Негізгі білім беру бағдарламасы бойынша оқыту тек күндізгі оқу нысаны бойынша, қысқартылған білім беру бағдарламалары бойынша – қашықтықтан оқыту технологиясын қолдана отырып, күндізгі оқу нысаны бойынша жүзеге асырылады.